Týǵan qalasyna saparlap kelgen ol ýnıversıtet stýdentteri men oqytýshylarymen kezdesip, óńirdegi «Rýhanı jańǵyrý» aımaqtyq ofısiniń jumysymen tanysty.
Oqý ornyndaǵy erkin formattaǵy júzdesýde Qýat Esenov AQSh-taǵy ómiri týraly aıtyp berdi. Sheteldik kompanııalarda qyzmet etýdi oılap júrgen jastarǵa aldymen aǵylshyn tilin úırenýge keńes berdi.
- Qazir zamanaýı tehnologııalardyń tilin bilý kerek. О́ıtkeni, álemdegi barlyq úderister ashyq ótýde. Ol jaqtaǵy aqparat bul jaqta da qoljetimdi. Jastar úırenýge, bilýge ózin-ózi yntalandyra bilýleri qajet, - deıdi Qýat Esenov.
Stýdentterdi Qýattyń nelikten AQSh-qa bardyń, basqa emes Google-dy tańdaǵany qyzyqtyrdy.
- Amerıkadaǵy adamdar bizden góri kóbirek bilimge qushtar deı almaımyn. Ol jaqta bilimdi adamdarǵa jaqsy jaǵdaı jasalǵan dep aıtý oryndy.
-О́z elińdi saǵynasyń ba? degen suraqqa Qýat Esenov.
- Árıne, óz elińnen artyq jer joq. О́z elimdi súıemin. Qazaq elinen ekenimdi umytpaımyn.
-Amerıkada saǵan ne jetispeıdi? degen suraqqa
-Jylqy etiniń dámin saǵynamyn, - dep ázildedi Qýat Esenov.
Elbasy «Altyn bala” ataǵan Qýat Esenov, «100» jańa esim jobasynyń qatysýshysy. Oblys ortalyǵyndaǵy daryndy balalarǵa arnalǵan №8 mektep-lıseıdiń túlegi. Matematıka páninen juldyzy janǵan jas.
2002 jyly Shotlandııada ótken Halyqaralyq matematıkalyq olımpıadanyń kúmis júldegeri, 2003 jyly Japonııada jáne 2004 jyly Grekııada ótken olımpıada jeńimpazy, AQSh-taǵy Massachýsets shtatynyń (Massachusetts Institute of Technology, MIT) tehnologııalyq ınstıtýtyn bitirgen Matematıkaǵa degen qabileti erte biline bastaǵan ol úsh jasynda árip tanyp, oqýdy úırengen. Mekteptegi barlyq pánderdi ońaı ıgergen balaǵa muǵalimi Davıd Ganelın baǵyt-baǵdar bergen.
Farıda BYQAI,
«Egemen Qazaqstan»
PAVLODAR
Sýretti túsirgen Rýfına Torpısheva
